من نحن

حنا مجموعة ناشطتين كوير قرشالات ترانسات و نقوشة … كاتجمعنا القضية د الكوير و الحكرة د المجتمع الابوي الهيتيرونورماتيف … بغينا نديرو منصة ديالنا و لينا ، تسلط الضوء على اشياء كنعيشوها و نكونو حنا الرواة ، رافضاتين شخص غير معني يتكلم عنا و بلسانا … عندنا صوت و كنعرفو نتكلمو على نضالاتنا و حكرتنا حيث حنا معنياتين بيه … كل واحد.ة فينا عنده.ا طريقته.ا فالنضال ، كنكتبو كنرسمو و كنوصلو صوتنا بالادوات المتوفرة عندنا … لذلك صايبنا منصة صوت الكوير ، لكاع الكوير اللي كيحسو انهم.ن ماعندهمش بلاصة يدويو فيها عما يعيشون ولا ما يهمهم.ن من اخبار الكوير و صحة جنسية ، قصص و مقالات عن الجندر و الجنسانية ، القضايا النسوية ، فن و ثقافة ، اراء و استشارات كلها فمنصة واحدة … كنشجعوك تعبر.ي باللغة اللي كترتاح.ي فيها ، و غانحاولو نترجمو المواد من و إلى الداريجة ، العربية ، الفرنسية ، الانجليزية … خلقنا هذ منصة لارشفة أعمالنا و نضالاتنا و تسهيل الولوج للمعلومة … هذ المنصة بغيتك تشوف.ي.ها فحال شي قيتار باغاكم تلعبو بيها … جيبو أدواتكم.ن و أجيو نتعلمو و نعلمو بعضياتنا و نسمّعو صوت الكوير لكاع الركاني المظلمة  …