الرئيسية / الصحة الجنسية / الثولال الجنسي

الثولال الجنسي

Screen Shot 2018-06-16 at 12.37.50 PM

السلام و الحرب عليكم، اليوم غانبداو اول حلقة من سلسلة التعفنات لمنقولة جنسيا

اول تعفن منقول بالحوا غادي نهضرو عليه، هو اقود واحد فيهم، باهم، مشتت البيوت و قاهر الرهوط : الثولال الجنسي او الثالول الجنسي، هاد الكافر بالله هو اكثر التعفنات المنقولة بالحوا انتشارا (50 %). هو مرض فيروسي معدي بالجهد، والسباب ديالو هو واحد الفيروس جلدي سميتو البابيلوما البشرى Human Papilloma Virus  (HPV)، هاد الفيروس كايدخل بين الجلدة و العضم و كايطور ويعطي ثولال (شوفو التصاور فأول تعليق).

الثولال الجنسي كاينتاقل بالحوا، جميع انواع الحوا: التحكاك، المصان، التزلاق، والخشيان. ومن بعد العدوى من شريك مصاب، تايبان الثولال (بعد أسابيع او شهور) على: راس الزب، قلم الفدرية، البيضات، الحبل بين البيضات و التقبة، جناب التقبة، الداخل دالتقبة، شفايف الطبون، جناب الطبون، عنق الرحم، وحتى على الفم اولا الحناك إلا تهز بالمصان.

الأعراض اللولة د  الثولال الجنسي هي الحكة و عدم الراحة فالماسائيل، افرازات طبونية بالكيلو، خروج الدم من الزك او الطبون مورا الحوا، من بعد تايبان الثولال لي تايتكاثر إلا ما تعالجش، ومن المضاعفات انو يدير سرطان الوالدة ) عنق الرحم( او الشرج.

هاد الأعراض اللولة كايعيق بيها بنادم لي مراقب كرو وحس بأي تغيير، وطبعا الا عاق بكري راه وفر عليه التكاليف دالعلاج و الألم، ايييييه الألم.

الوقاية من  الثولال الجنسي صعيبة، حيت حتى العازل الطبي ما تايوقيش منو 100 %، الى كان الشريك مصاب فبلايص ما تايغطيهاش العازل، كاينا الجلبة (لقاح) ضد هاد الفيروس سميتو جارداسيل، وحتى النظافة و التعقيم دالمناطق الحساسة و التنشيف ديالها مزيان كايحد من التطور السريع د هاد القلاوي د التولال.

هاد ولد القحبة ما جيناش و سميناه اقود تعفن، حيت العلاج النهائي ديالو ما كاينش (خصوصا لا تعطلتي عليه)، وغالي بالجهد، و تاياخد وقت، و مؤلم، الشياط  فكرك. العلاج ممكن يكون دوائي، او جراحي: يقطعو ليك زبك او يخيطو ليك طبونك او تقبتك هههههههه ماعنداكم، الجراحة كاتكون اما استئصال الثولال بالمضا، الكوا بالضو او الليزر او التجميد بالآزوت السائل و كلها جراحات كادير ليك النار ف لاGار.

قبل ما نسدو هاد الموضوع تنزيدو نأكدو بلي الحماية المتوفرة حاليا ضد هاد العجب ديال التولال الجنسي هي  ديك الجلبة اللي هضرت عليها الفوق و لا مقدرتيش تديرها تتبقى قدامك طريقة وحدة هي مين تكون تتداعب الأعضاء الجنسية (الزب، التقبة، الطبون) نقلب الشريك ديالي اولى الكليان ديالي مزيان وإيلا بانت ليا شي حاجة  نبهو ليها و نعرف راه لا مشيت حتى تعاديت خاصني طبون وزعكة ديال الفلوس و الوقت و الصبر باش نداوا.

و لي عارف هادشي وعطى زكو… لهلا يفكو

تعليق واحد

  1. خليل الأنطاكي

    الموضوع ذو فائدة كبيرة لكن لغته ربما بذيئة جدا. يمكن أن تصل الفكرة بدارجة أرقى في اعتقادي.

اترك تعليقاً

لن يتم نشر عنوان بريدك الإلكتروني.